मोटोपनाले हैरान हुनुहुन्छ ? यस्तो छ तौल घटाउने २५ उपाय

मोटोपना बढेर तपाईं हैरान हुनु भएको छ ? यदी छ भने हामी यहाँ मोटोपना घटाउने विभिन्न उपायहरुको खोजी गरेर प्रस्तुत गरेका छौं ।

१. हामी एक दुई सातामा नै आफ्नो तौल घटाउन चाहान्छौ । तर बर्षाै देखि लागेको शरीरको तौल एक दुई सातामा नै घट्न सक्दैन । त्यसैले तौल कम गर्न चाहिने धैर्यता र शारिरीक मेहनत गर्नुपर्छ ।

२. तौल घटाउन चाहिने सबैभन्दा महत्वपुर्ण कुरा भनेको आफू माथिको विश्वास हो । नियमित शारीरीक अभ्यास वा मेहनत गर्दा पनि केहि दिन वा केहि सातामा नजिता देखिएन भने पनि आफ्नो विश्वास कम हुन नदिनुहोस् । लगातार आफ्नो विश्वास बनाइराख्नुहोस् ।

३. तपाई आफुलाई कस्तो बनौं भन्ने लागेको छ, सोहि अनुसारको एक तस्बिर तपाई सुत्ने वा दैनिक बस्ने कोठामा लगाउनु होस् । यसले तपाई त्यस्तै बन्नका लागी अनुसरण गर्न मद्दत पुर्याउनेछ ।

४. खाजा वा खानापछि पानी पिउने बानि बसाउनु होस् । यसको मतलब खाजासंगै पानी पिउने भन्ने होइन । बिहान दिउँसो वा अरुबेला नियमित पानी पिउनुहोस् । चिसो पेय, चिया, कफि वा काब्रोहाइड्रेडयुक्त जुस नपिउनुहोस् ।

५. मोवाइमा तपाईको दैनिक हिडाई, पाइला चलाई तथा तपाईको दैनिकी जनाउने एप्सिकेसन डाउनलोड गरी यसको प्रयोगमा बढावा दिनुहोस् । यसले तपाईले हिँड्न, दौडन र शारीरीक ब्यायाम गर्न मद्दत गर्छ ।

६. आफुले खाने वस्तु र विषयमा डायरी बनाउनुहोस् । आफुले कति बजे खाजा खाने, के खाने कति खाने सबै लेख्नुहोस् । यसले तपाईको खानालाई नियन्त्रण गर्दछ ।

७. दैनिक खाना खाँदा क्यालोरीको मात्रा थप्नुहोस् । तौल नियन्त्रण गर्न शरीरमा मेहनत आवश्यक हुने भएकाले क्यालोरीको मात्रा पर्याप्त हुन आवश्यक छ ।

८. खाना वा खाजा खादाँ पटक पटक खानुहोु् तर कम खानुहोस् । अर्थात दैनिक ४/५ पटक खाने तर खानाको मात्रा कम गर्ने । यसरी धेरैपटक खाँदा शरीरले कम इन्सुलिन निस्कने र ब्लड सुगर सही हुने गर्दछ ।

९. शरीरको वजन घटाउन चाहाने मानिसले दैनिक ४५ मिनेट हिड्न अनिवार्य छ । यसले शरीरमा भएका अनावश्यक पोषणको सदुपयोग हुन पुग्छ । यदि तपाई दैनिक १ घण्टा हिड्नु भयो भने बिना मेहनत वजन घट्न सक्छ ।

१०. बिहान सबेरै उठ्ने बानी बसाउनुहोस् । राति ९ बजे पछि अनिवार्य सुत्ने र बिहान ५ बजे उठ्ने बानी बसाएमा शरीरलाई पुर्ण आराम मिल्नुका साथै विहान उठ्न समेत मद्दत गर्छ ।

११. यदि तपाई केहि घट्नु भयो भने आफ्नो खुकुलो कपडा लगाउन छाड्नुहोस् । बरु टाइट कपडा लगाएर यसभित्र आफुलाई फिट गर्नुछ भने आफ्नो मानसिकता तयार पार्नुहोस् । यस सोचले धेरै हदसम्म तपाईलाई वजन घटाउन सहयोग गर्छ ।

१२. खाना वा खाजा खादाँ सकेसम्म साना प्लेट प्रयोग गर्नुहोस् । यसले भोक लागेपनि कम खानुपर्छ भन्ने सोचको विकाश गर्छ । त्यसैले कम खाना खान सानो थाल वा प्लेट नै उपयोगी हुन्छ ।

१३. कोठामा ठुलो ऐना राख्नुहोस् । यसले तपाई दैनिक आफ्नो शरीरलाई प्रष्ट देख्न पाउनु हुन्छ । जसले गर्दा मोटाएर भद्दा भएको शरीरले तपाईलाई घट्नुपर्छ भन्ने मानसिकता बनाउछ ।

१४. खाजा वा खाना खादाँ पानी बढी भएको खाने गर्नुपर्दछ । यसले खाजा वा खानाको परीकार बढि देखिने तर मात्रामा कम हुने भएकाले तपाईलाई घट्न मद्दत गर्छ ।

१५. चिया, कफि वा दुध पिउदाँ कम चिल्लो भएको दुध प्रयोग गन थाल्नुहोस् । कम चिल्लो भएको दुधमा क्याल्सियम बढी र क्यालोरी कम हुन्छ ।

१६. सकेसम्म नियमित घरमा नै खाना खाने बानि बसाउनुहोस् । बाहिरको खानामा बढी चिल्लोपदार्थ र क्यालोरी हुने भएकाले तपाईले महिनौं लगाएर घटाएको शरीर बाहिरको खानाका कारण फेरी मोटाउन सक्छ ।

१७. खाना वा खाजा खादाँ बिस्तारै मज्जाले चपाएर खाने बानि बसाउनुहोस् । चपाएर खाना खादाँ तपाईंको दिमागमा पेट भरिएको संकेत पुग्ने छ र तपाई कम खानुहुनेछ ।

१८. कतिपय अवस्थामा हामी भोक नलागी पनि खाने गरेका छौ । तर यो गलत हो । शरीरले मागेपछि मात्र खाने बानि बसाउनु राम्रो हुन्छ । तर यसो भन्दैमा चिन्ता वा अरुचि भएका बेला पनि नखाउनुहोस् भन्ने होइन । खाने समय भएपछि मात्र खानुहोस् ।

१९. केहि मानिस जुस खाएर घटिन्छ भन्ने सोच राख्दछन् तर जूस भन्दा फल खानु उत्तम हुन्छ । फलमा फाइबर र ठोस मात्रा हुने भएकाले यसले भोक कम गर्दछ ।

२०. दिउँसो सुत्ने बानि छ भने त्यसलाई अनिवार्य हटाउनुहोस् । वा रातिको ड्य्टि छ भने मात्र दिउँसो सुत्नुहोस् अन्यथा दिउँसो सुत्नु राम्रो होइन । र खाना खाने बित्तिकै नसुत्नुहोस् । कम्तीमा ४५ मिनेट टहलिने गर्नुहोस् ।

२१. साताको एकपटक पसिना निक्स्कने गरी शारीरीक काम गर्नुहोस् । जस्तै बारि खन्ने, सामान बोकेर सिढि तलमाथि गर्ने, घरको मज्जाले सरसफाइ गर्ने ।

२२. साँझको खाना खादाँ सकेसम्म कम खानुहोस् । दिनमा खाएको खानाको तुलनामा एक तिहाइ मात्र खानुहोस् । तपाईंले दिउँसो खाएको खानाको क्यालोरी रातको समयमा खर्च हुने भएकाले साझँको खाना मोटोपना बढाउने कारण बनिदिन्छ ।

२३. बिहान उठेर हिड्ने र घर आएपछि मज्जाले १५ मिनेट गित बजाएर नाच्ने बानि बसाउनुहोस् । यसो गर्नाले आफैलाई मनोरञ्जन प्रदान गर्नुको साथै शरीरका लागी निकै लाभदायक साबित हुनेछ ।

२४. बिहान उठेर मनतातो पानीमा कागती र मह प्रयोग गरी पिउने बानि बसाउनुहोस् । यसको सेवन गर्नाले केहि सातामा नै तौल कम हुन थाल्दछ ।

२५. बिहानको खाना खानु आधा घण्टा अघि ३ गिलास पानी पिउने गर्नुहोस् । यस्तो गर्नाले भोक कम लाग्छ । यदि तपाईं तौल घटाउन चाहनुहुन्छ भने भोक लागेको बेलामा केही थोरै पानी पिएर खानाको समय २० मिनेट टारेर मात्र खानुहोस् ।

Post a Comment

तपाइको प्रतिक्रिया यहाँ तलको कोठामा छोड्नुहोस् !

पछिल्लो पोष्ट अर्को पोष्ट